gianni:
|
chini olid podi fundai ca poi gei soriganta
|
Ledda:
|
De cumenzai tengu avisu
|
S'argumentu poeticu innoi
|
Fendi a is sensus apellu
|
Po ki mi fetzanta avallu
|
Non ci siat fueddu innoportunu
|
Po rispetu a s'antiga vesti
|
E non mancu innoi de saludai
|
Cumenzendi custu impiantu
|
Rima
|
Cantu esti traballu oi
|
Fai unu bellu sorrisu
|
|
|
Monni :
|
S'amicìtzia po no infrangi.
|
Mai si depeus ofendi.
|
Cretas o nou in su Celesti.
|
E mancai no cretas in Deus.
|
Su pròssimu siat arrespetau.
|
No nci siant contratempus.
|
Is leis no abastat a ddas scriri.
|
Òlint arrespetadas però.
|
Chena de ingannu e chen'è abusu.
|
|
Rima.
|
Po is tempus chi seus connoscendi.
|
Prus che arriri nau ca c'est de prangi
|
gianni:
|
Di essi poeta no mi vantu
|
Ma mi prascidi custu divagu
|
Ma de saludai no mi privi
|
A chini cumpangia mi donada
|
De fai benni m’isforzzu
|
Po no offendi sa guida
|
Ca deu cuntentu di so
|
chi sighidi in futturu
|
rima
|
Siguru sa vida cambiada pagu
|
Ma no pozzu bivi de prantu
|
|
Tuveri:
|
Gianni mi torras'a proponi
|
E ti rispundu prexerosu
|
Indossendi allirga vesti
|
Speranzosu chi beni mi stiada
|
Giai chi appu arriccìu s'avvisu
|
Po cantai in custu rondò
|
Nd'aprofittu po saludai
|
Ch'est doverosu e ndi seu propensu
|
|
|
Pensu chi non siada fatgosu
|
Fai su sorrisu si c'est s'occasioni
|
Ledda:
|
De tempus mi sei acatau
|
De non tenni prus fidi
|
In tui altissimu celesti
|
In d'unu biviu totu oscuru
|
Masi lassau cun d'unu pesu
|
Po ki issa torra si custodit
|
Fai ki sorti mi cunfortada
|
Po finiri custu lamentu
|
Rima
|
A istentu si podit puru sorridi
|
Ma si notada de atesu k'esti forzau
|
|
Monni :
|
Efìsiu ses a sa guida.
|
Deu in s'impresa t'acumpangi.
|
Ca sa cosa no mi spaventat.
|
Mutetus sigheus a ndi scriri.
|
In custu modu divertenti.
|
Gianni Mura sèmpiri si lodit.
|
Ca po mèritu su si cumprendit.
|
Comunicaus de comunu in comunu.
|
|
|
Rima.
|
Unu podit arriri o prangi.
|
Ma dipendit de cumenti si presentat sa vida
|
gianni:
|
E inutili chi ti spantis
|
Candu sonad cussa canpana
|
Tocada a d’asegundai
|
Quasias sia s’ora
|
Aturaus tempus sunfrendi
|
No diventad mai frida
|
E mai cosa scadenti
|
Ca apu perdiu unu tesoru
|
rima
|
coru a ferida ancora mana
|
sa menti narendi de andai ainantis
|
|
Tuveri:
|
Ancora senza motivu
|
Su mali non si sconfiggidi
|
Cun su farmacu fendi abbusu
|
Po sa maladia penosa
|
Sa farmaceutica po favoressi
|
Amargurau sidd'attesti
|
Cudda atturendi sicca
|
E su poberu sempr'a s'oscuru
|
|
Siguruc'est cosa chi t'affliggidi
|
Cicca di essi prus positivu
|
Tuveri:
|
Cudda vena atturendi sicca
|
Ledda:
|
Olata cantanti geniali
|
Issu tra is prus dotus
|
unu mostru de bravura
|
A Piras puru arrigordeus
|
Maistrus de cust'arti
|
Duas mentis espertas
|
E creu ki non pauressinti
|
In duras poetica sfidas
|
Rima
|
Feridas obertas ndi teneus totus
|
Ma lessinti a parti tristura personali
|
Monni :
|
Sa máfia at postu in usu.
|
Sa famosa stragi de Capaci.
|
A Giuanni Falconi at colpiu.
|
Ind'unu aguatu organizau.
|
E in via D'Amelio puntat su tiru.
|
A Borsellinu po fai avisu.
|
Ca s'atacu fiat eminenti.
|
Causendi unu fragellu.
|
|
Rima.
|
Cun su bellu sorrisu stapau in faci.
|
Genti in giru no ndi biu prusu.
|
gianni:
|
Deu o amigu t’amiru
|
No bandis stua stua
|
Pota i gustus divagus
|
E importanti sa lusci
|
E siguru ca tui du scisi
|
Ca sa menti ti suportada
|
E beni fai is analis
|
Ca in poesia no se digiunu
|
rima
|
Ogniunu portada sa grusci sua
|
E ogualis d’bisi pagus in giru
|
|
Tuveri:
|
Ancora s'agattausu
|
De is mutetus in sa scheda
|
Sa poesia nosta tessendi
|
Custu Tuveri d'attestisi
|
Cun s'intrecciu oi cumbatteusu
|
Rispettendi sa sarda rima
|
In su cantu toccad'arroi
|
Esprimendi fueddus durcis
|
|
In su Sulcis prima arriestisi meda
|
Imoi prangeusu essendi obbligausu
|
Ledda:
|
Innoi sa mia presenza
|
C'est annus non disi
|
Unu grazie è cosa giusta
|
A Gianni senza di erras
|
A prexeri ndi seu fueddendi
|
Poita mi donat consolu
|
Un su libru miu apunti
|
Ke amigu veru kene impero
|
Rima
|
No solu gherras e crisi
|
Funti causendi custa decadenza
|
Ledda:
|
Innoi sa mia presenza
|
C'est annus non disi
|
Unu grazie e cosa giusta
|
A Gianni senza di erras
|
A prexeri m'est invitendi
|
Po mei esti unu consolu
|
In su cuadernu apunti
|
Amigu caru kene imperò
|
Rima
|
No solu gherras e crisi
|
Funti causendi custa decadenza
|
Monni :
|
In gruxi moriat Gesusu.
|
Cun tres obillus dd'iant incravau.
|
Ma Pilatu no intercedit.
|
De custu siguru ndi seu.
|
Apustis tres disi risuscitat sò.
|
E torrat de su babu in Paradisu.
|
Tra nosu torrat in forma ce cocoi.
|
Po salvai de is pecaus a donniunu.
|
Ma sa notitzia fiat dubiosa.
|
|
Rima.
|
Cund'unu sorrisu mi seu innamorau.
|
Cosa chi oi no sucedit prusu.
|
gianni:
|
Candu su poeta rimad
|
E sa risposta fai cumprendi
|
Siada o no a su cumandu
|
e su chi narada deu cuntempri
|
deu aicci di tengu consollu
|
de sighiri custa moda
|
e s’amigu puru godidi
|
di essi inoi a sa guida
|
rima
|
Sa vida e s’arroda sempri girendi
|
Si prangidi sollu candu si firmada
|
|
Tuveri:
|
Enrico Toti su sommergibili
|
Costruiu in Italia a miu avvisu
|
Dei custu mindi onoru
|
In su duamilasesi non colliunu
|
A Milanu in su museu esortas
|
De is turistas ses bisitau
|
Cun Bellini prenu de impegnu
|
A du cumandu prus de unu mesi
|
|
Ti sesi innamorau cund'unu sorrisu
|
Segnu ca portas coru sensibili
|
Ledda:
|
De gherra is minacias
|
Causendi mortis tantis
|
Parit non ollit cessai
|
Ki cessat però speraus
|
Tanti genti ce sunfrendi
|
Poni manu Divinu Gesus
|
Impari a su Somu Deus
|
Po ki cessat custu prantu
|
Rima
|
Cantu prus andaus ainantis
|
Ndi seus perdendi oramai is tracias
|
Monni :
|
Luigeddu est una boxi noa.
|
Est unu noeddu cantanti.
|
In is palcus avesu a cantai.
|
In su Sulcis at tentu cráculu.
|
Deu ddu stimu e dd'amiru.
|
E chi cantadori diventat.
|
Onorat su contra e bo.
|
Sita o no a su cumandu.
|
Determinau e capaci ddu creu.
|
|
Rima
|
Candu mi presentat ostáculu an anti.
|
Deu no mi tiru mai agoa
|
|
gianni:
|
No seu certu felicci
|
Mancu cuntentu seu
|
Ca sa menti mia chi podiada
|
Su rispettu po averai
|
Ca cali adessi s’acabbu
|
Ca aicci no bolemu
|
Ca biu pagu futturu
|
Ca de cuscus seu profanu
|
rima
|
A giovanu podemu scoberai deu
|
siguru po babbu fiada aicci
|
|
tuveri:
|
Ancora cantendi a norma
|
Mi esprimu cun frasiscedda
|
A m'arrespundi non trighisi
|
Chi sesi beni assortau
|
Prova nottesta a proponni
|
E s'intrecciu beni allaccia
|
Candu fais poetica gara
|
Sa rima in versus imbussa
|
|
De cussa traccia chi at nau Ledda
|
Nara o Monni chi sighisi s'orma
|
|
Ledda:
|
Danti in prosa e rima
|
Lassau adi su senniu
|
Su sensu non du camorrat
|
Po su scritu memorandu
|
Girendi s'infernali abissu
|
A su paradisu nendi osanni
|
E cun Virgiliu a su fiancu
|
In purgatoriu fendi su giru
|
Rima
|
Amiru a Gianni po su grandu impenniu
|
Ma mancu issu ddu torrat che prima
|
|
Monni :
|
In custu poèticu discursu.
|
A nemus biu amurriau.
|
De su pagu miu deu dongu.
|
Ma agoa meda no abarru.
|
Poèticamenti no seu geunu.
|
Ma superiori no mi creu.
|
Seu atentu candu scriu.
|
E controllu règolas e mesura.
|
|
Rima.
|
Chi biu unu carru furriau.
|
Inderetura deu ddi dongu sucursu.
|
gianni:
|
Un’amigu avesu a bufai
|
Chi bufada cun presceri
|
E puru orgoliosu
|
Cun su binu chi e a cuntattu
|
Poi andendi arrui arrui
|
Un’altra narad d’istappu
|
Chi di nau no faidi du scisi
|
Perdidi su galateu
|
rima
|
Deu appu fattu su doveri
|
Serbisi tui speranzosu a dd fai
|
|
tuveri:
|
De arrespundi seu motivau
|
A Monni cantadori amigu
|
Ca no bollu fai sgarru
|
Candu rispettu arriciu
|
Intrecciendi po ddu sighiri
|
Senz'e pesai poeticu muru
|
Rispettendi metodicas leisi
|
Cun chini cantendi s'acrarada
|
Po chi no atturidi s'imperò
|
|
Ddu narada puru du diciu antigu
|
No deppeisi arriri de su carru furriau
|
Ledda:
|
S'amicizia no mi rinnegas
|
E ses de is astutas mentis
|
Ses un'amigu veru e giustu
|
E de tui deu ndi esempri
|
Mai però amigu t'inganni
|
Ci siat tra nosus mai ofesa
|
E ti nau custu sinceramenti
|
Ka ti tengu vera stima
|
Rima
|
Prima in poboresa sempri sorridentis
|
Cumenti Gianni custu ddu spiegas
|
Monni. :
|
Sa Santa lei de is Cristianus.
|
Est sa chi cumbatit su malli.
|
E su devotu po donai prova.
|
De obidièntzia siat dènniu.
|
Arrespetit sa Divina Stella.
|
O mellus nai su Rei Celesti.
|
Mai ddu depeus ofendi.
|
Po si meritai su Paradisu.
|
|
Rima.
|
Su sorrisu m'est bènniu naturalli.
|
Intendendi sa bella nova de is Coreanus
|
gianni:
|
Custu argumenu du sfolgemus
|
No e certu de alegria
|
No bisongiad a prangi però
|
No e certu cussa sa plassi
|
No mi seu mai associau
|
E poporesa d’appu conottu
|
Po chi oi siad peus
|
Ca se firmau su mottori
|
rima
|
S’errori e tottu dd classi mia
|
ca eus spaciau su chi nò tenemus
|
|
tuveri:
|
Ddu scriu a tinta niedda
|
Ca de Armungia fiad'Emiliu Lussu
|
Su Partidu sardu fundada e imprimidi
|
Inoi Monni attentu stiada
|
Sciu ca a Roma finidi s'impresa
|
Scrittori de giustu sensu
|
Abogau de causa giusta
|
Confinau diaici sò
|
|
No pensu chi siada poi cussu
|
Custa tristesa chi esprimidi Ledda
|
Ledda:
|
Moi cantanti agressivu
|
Ma usat frasis legitimas
|
In gioventù fait s'ingressu
|
Tra Farci e Loni in poesia
|
De s'imponni fait sa manera
|
Nendi si capitat fogu allua
|
Però meritat una lodi giusta
|
E nemus nerat ddu declassi
|
Rima
|
Sa classi tua e sa mia vitimas
|
De custa era de progressu regressivu
|
|
Monni. :
|
Mancai su tempus no siat favorèvoli.
|
At sfilau prus de unu cuaddu.
|
Tracas e costumus bellus diaberu.
|
Unu miráculu ddu consideri.
|
De Sant'Efis mártiri Celesti.
|
De Casteddu a Nora in duas disi.
|
Cund'una acuedda fini-fini.
|
Ma benedita cussa nui.
|
|
Rima.
|
Chi tui ddu scisi Tuveri naraddu.
|
Chini est su veru colpevoli.
|
gianni:
|
Ognia annu ci gosu
|
De s’iniziu finas a s’acabbu
|
Is rigordus po alogai
|
De custu santu bonnu
|
Sa sardignaia festengiedidu
|
Su gherreri onorau
|
Mancai si siada postu a proi
|
Deu seu stettiu presenti
|
rima
|
Anti furau d nonnu e babbu
|
Oi fendidu pagai a nosu
|
|
tuveri:
|
Candu ci fiad su soddu
|
S'omini fiad prus comunu
|
Mancai cu pagus sciallas
|
De sensus pagu confusu
|
Mancai is giovonus pagu ddu cretanta
|
Ca no bistinti saggia vesti
|
Callincunu si creid'eroi
|
E deu non seu favorevoli
|
|
Su colpevoli esti prus de unu
|
Imoi ghettanta de pallas in coddu
|
Ledda:
|
Ci funti tanti famillias
|
Funti bivendi de istentus
|
Tristu e su coru miu
|
Bivi aici non depianta
|
Pagu o nudda e su stipendiu
|
E de passai momentus gaius
|
Candu ndi podinti favoressi
|
Ho aturanta solu sonnus
|
Rima
|
Nonnus è bisaius morianta cuntentus
|
Po essi intendiu e biu meravillias
|
Monni. :
|
In logu callenti e no fridu.
|
Rènniant gazellas e bisontis.
|
Leonis elefantis e girafas so.
|
Dd'apu notau fendi is safaris.
|
Ma no nau ca seu unu espertu.
|
E chi is fortzas ddu permitinti.
|
De apitigai cussus percursus.
|
Ddui torru a Frenus sciotus.
|
Ca de su logu innamorau seu.
|
|
Rima.
|
A totus promitinti maris e montis.
|
Ma deu de cussus certu no mi fidu.
|
gianni:
|
Certu Ledda no mi faid arrendi
|
Cun sa risposta sempri ogualli
|
E deu a issu cuntempri
|
Ca po issu deu apu spendiu
|
Ca volontadi de cresci teniada
|
E tenidi unu futturu
|
Ca meda tenid de bonnu
|
No e facili a du fai arrui
|
rima
|
Tui siguru a cumprendiu malli
|
nonnu fiada sempri prangendi
|
|
tuveri:
|
De s'isola nosta is'istradasa
|
In sa regioni aumentanta is costusu
|
Si prus beni dasas costruianta
|
Oberendi tenicu operaius
|
Rendendiddas prus'adattas
|
Custas criticas beni ci stianta
|
No est po fai frasis prolissas
|
Ma nimancu discursu brandu
|
|
Candu ci fianta iaius nostusu
|
Is promissas fattas benianta accantzadasa
|
Ledda:
|
Ti biu in dificoltat
|
Imoi ti pigu a sa bona
|
Siasta Gianni costanti
|
A tui deu non colluna
|
Poita a dispraxi miada
|
Ki oi erranti tratenis
|
Sighi amigu atentamenti
|
Nudda lassendi in trascuru
|
Rima
|
Epuru benis de una zona
|
De genti ki esponiat tanti felicitat
|
|
Monni. :
|
Po cosiri bistiris de seda.
|
Su maist'è pannu imperat s'agu.
|
E po si procurai su stipèndiu.
|
Cosit tiallas e tendinas.
|
Ma candu depit tallai.
|
No si ponit pensamentu.
|
Segat a ferrus e a strapu.
|
Ábili e capaci ddu creu.
|
A fai camisas a sa Rococò.
|
|
Rima.
|
Due mi cuntentu finas de su pagu.
|
No apu mai pretèndiu meda.
|
gianni:
|
Chi sa storia tenis a usu
|
E no sesi sognadori
|
Senò tempus chi ti coilada
|
E de ligi tenis mania
|
E po cosiri pigas s’agu
|
Ca s’antiga storia e cuda
|
Prena poporesa e rovinas
|
Serbidoris de su cumandu
|
rima
|
Candu nuda tenia valori
|
Finas su pagu baliada prusu
|
|
tuveri:
|
In Spagna deppiada spirai
|
Colombo su girovagu
|
Ddu deppu preni de lodisi
|
Cun Vespucci non propriu affiancu
|
Ca non fiada certu cositta
|
Nendi de gloria ti prenisi
|
In sa storia fainti s'intrara
|
Assumancu diaici sò
|
Tra is navigadorisi unu grandu
|
|
Candu no tenisi mancu su pagu
|
Nara de itta ti podisi cuntentai
|
|
|
Ledda:
|
Su rispetu tenit importanza
|
E non dexinti inutilis vantus
|
Su rispetu est una virtudi
|
Ki non traidi s'omini in fallus
|
Poita kini si mostrat educau
|
In vida tenit elogius tantis
|
E podit donai bellus esemplus
|
A su prossimu cun bellus sorrisus
|
Rima
|
Paisus festantis cun ballus e cantus
|
In tempus Passau ci fudi abondanza
|
Monni. :
|
Fielli Urru fiat unu portentu.
|
E unu portentu fiat Enea Danesi.
|
Anti onorau su sardu ateneu.
|
S'unu e s'atru de is scaltrus.
|
In poesia e in prosa.
|
Est doverosu a ddus arregodai.
|
Ca s'unu e s'atru fiat magu.
|
In is rimas e is isterrinas.
|
Est giustu chi si dichiarit.
|
|
Rima.
|
Finas a dialogai cun bos'atrus tresi.
|
Parit pagu cosa ma seu cuntentu.
|
|
gianni:
|
Cu tui ledda ci tengu gustu
|
Ca usasa su galateu
|
De sa poesia serbidori
|
Su rispettu de tui mantengu
|
De ti ofendi Mai sonau
|
ca tengu stima ti cunfidi
|
ti du nau senza de pressi
|
ca sesi un’omini bonnu
|
rima
|
Si nonnu tenesidi su chi tengu deu
|
Iadessi donau su valori giustu
|
|
tuveri:
|
Collega oi non mi privu
|
De onorai de su cantu s'arti
|
A mutetus e no cun modellu
|
Dimostrendi pagu imbarazzu
|
Cun sa musa chi ancora intonada
|
Su poeticu dibattimentu
|
Non mi nerisi pagu fini
|
Po chi non sia miticu che Orfeu
|
|
|
Seu cuntentu ca fazzu parti
|
De chini ti donada bellu motivu
|
Ledda:
|
Cantendi seus cun virtudi
|
Mancai nisciunus e dotu
|
E mancu meritaus cocarda
|
Ma trancuillis si discurit
|
Che in bella fratellanza
|
Senza perunu in però
|
In su fini ki deu sustengu
|
Speru in modu precisu
|
Rima
|
Po ki su sorrisu non si sturit in totu
|
Tengu speranza in sa sarda gioventudi
|
Ledda:
|
Su prossimu selliu
|
Monni. :
|
Chi siant sèmpiri arzillus.
|
Auguru a totus is ascurtantis.
|
Chi fatzant vida de nababus.
|
E no ddis manchit cosa de Arroi.
|
Unu saludu Monni dd'is aporrit.
|
E chi mi seu meritau zeru.
|
No mi torrinti a fai avisu.
|
Po partecipai a i-custu ateneu.
|
|
Rima.
|
Due speru chi de imoi-innantis.
|
Su sorrisu torrit a babus e a fillus
|
|
Turru grátzias a totus.
|
In particolari a Gianni po m'essi bòfiu in custa gara.
|
|
gianni:
|
Candu si chistionada de lussu
|
No podidiessi cosa eterna
|
Su lussu e cosa presenti
|
Aici narada sa natura
|
S’omini candu podiada
|
De lussu poniada sa fascia
|
Ca fiada su momentu bonnu
|
Su lussu a fai sciri
|
rima
|
A biri crescia sa cultura moderna
|
Ca nonnu teniada solamenti cussu
|
|
tuveri:
|
Ancora mi toccad chi arroa
|
Saludendi cun modu precisu
|
Sa rima Tuveri eleva
|
In poetica cerimonia
|
Sicuru ca no mi privu
|
De onorai custu cantu veru
|
Ca in poesia beni ci stiada
|
E de custu ndi seu siguru
|
|
Deu speru chi dogna sorrisu
|
Siada motivu po sa leva noa
|
|
gratzias a tottus a atteras bortas
|
|
|
tuveri:
|
Sicuru ndi deu
|
Ledda:
|
Rima e sterrina metricu
|
Rendendi giustus valoris
|
Su fueddu siat precisu
|
Frasis beni sillabadas
|
A su donu fendi apellu
|
A su sensu ki siat dotu
|
Po donai in rima gosu
|
Frasis bellas fiorinti
|
Rima
|
Si morinti in totu cantadas e cantadoris
|
Addiosu su bellu sorrisu poeticu
|
Ledda:
|
Gratzias a totus letoris e collegasse
|
|
|
|
|
